Line Dance  
  Home
  Interne Seite
  Tanzliste
  Kontakt
  Impressum
  Gästebuch
  Datenschutz
Kreativseite von Renate





Schwein muaß ma hom, sogt oa Sau zua andern,

beißt ihr s’Schwanzl ob & geht damit wandern.

Drauf des andre Schwein grell pfeifft

und de erste Sau von da Seitn angreift:

„Sauschwanzl-Beißn is gesetzlich verboten!!!

Liest du koa Zeitung, wia z.B. den Säuboden-Boten?“

 

De Erste grunzt zrugg ganz reaktsaunär:

„Wer hätt’ des Recht, iatz sog mir wer,

mir zu verbieten, wos i gern dua?“

 

Ja, a so geht’s in manch’ oam Sausteu gern zua.

 

Aba ned grod do, sondern auf da ganzn Weud!

Da oa dem andan ois x-meu hoamzeud,

am Bestn glei des, wos er näxte Woch kunnt macha,

denn wer 1 Schritt voraus is, DER hod des Lacha!

 

Naa, manchmeu bleibt’s oam im Heus drin stecka !

Is des diam ned zum Varrecka?

 

 „Aug um Aug & Zahn um Zahn !“

Und dann no der ganze Neider-Wahn:

„Host as gsehng, der hod a NEIS

in XXL, grande, türkis oder perlmutt-weiß!

 

Smartphone, Auto, Heisl, Schiff,

und war a beim Daucha im malayischn Riff,

fliagt nächste Woch fei auf’n Mond …

- ja, a s’Weltall is jetz nimma verschont -

„Ja gsogt“ werd’ iatz in Raketn,

ois kannst dir leistn -  mit Monetn !

 

********************************

ABA! – A nett’s Wort song, kannst a ohne Geud,

und am Bestn – dua’s recht beud !

Woaßt ja nia, wos morgn kunnt sei,

feud dem Herrgott womöglich ei …

 

Drum sog i’s glei: SCHWEIN HOB I G’HABT !!!,

dass i zu Eich R.B.E.’ler bin dappt !

 

 

DES HOASST IATZ NED, DU BIST A SAU !

NAAAA! D.h. Du bist a SCHAU !

 

& mir is’s ganz a große Freid,

drunter zum sei, unter Eich liabn Linedance-Leid.

 

Dank Eich schee, fia oisand Stundn,

wia z.B.  – beim Feiern eines Rundn !!!

Dankschee für’s Ratschn, für’s Schreibn, für’s Danzn

Ihr seid’s echt olle ganz bsundere W….

 

Weiba und a Mannaleid !

Und mir bleibt am Jahresend’ – sprich heid

des Bedürfnis Eich zum Wünschn:

„Bei Sekt, Selters, Bierchen oda Pünschn,

kemt’s guad umme in a gsunds  NEIS !!!“

 

… Host as scho ghört, de R.B.E.’la hamd iatz a NEIS ...

in türkis, braun, na i glaab weiß  …

- gmoant war natürlich „bunt’s JOAH!“

aba d`Leid …! & s’Gedicht, des is iatz goa!

   „scho ganz dicht!“      von R. H. *  ;)

                                                                            * = Restless Hutzlerin




& ab und zua a ned ganz dicht, aba schreibwütig- & perlmüttig - Eure K. K.

- Übersetzungen für das oben anzutreffende Tiefbayerisch, wie z.B. „diam“

übernimmt die mehrsprachige „Türk-Ise“!  –  Bitte einfach anfragen  ;) 

Termine  
  Sonntag 09.09.18
!!! kein Übungsabend !!!

nächster Übungsabend
Sonntag 16.09.2018
19 Uhr
!!! Dorfgemeinschaftshaus !!!
 
Werbung  
 
 
=> Willst du auch eine kostenlose Homepage? Dann klicke hier! <=